მე ახლა მივხვდი რატომ სვამენ ღვინოს კაცები,
თამბაქოს კვამლში რად ახვევენ ფიქრებს დარდიანს,
შეეშინდებათ სიფხიზლეში მუხლზე დაცემის,
დალევენ ღვინოს და ბახუსის ფრთებით დადიან.
დამისხით ღვინო, მინდა ვიგრძნო ძალა ამ ქვეყნის
თამბაქოს კვამლმა მინდა ღამე გამათევინოს,
დამისხით ღვინო, მაგრამ არც ერთი
სადღეგრძელო არ მათქმევინოთ
მხოლოდ აგიხსნა, რომ წარსულში როგორ მიყვარდი,
მერე კი წადი, ვისზეც გინდა მასზე იფიქრე
კვლავ მომენატრო? არასოდეს არ გაიფიქრო.
ვარდი რომელსაც ყველა აქებს, ყველა ადიდებს,
ერთხელ თუ მოწყდა, პირველ სახელს ვეღარ აღიდგენს.