მთავარი » ლექსები
სადმე წამიყვანე მთების იქეთ
ვნახო ხავსები და გავიღიმო...
მინდორს ავაცალო სამყურები
აგე გულისპირზე ავიღილო...
სადმე ამატარე აღმართები
მაჯა დამეღალოს ნატარები...
სადმე წამიყვანე გემით ,ანდა
რელსებს მიწებებულ მატარებლით...
სადმე წამიყვანე, უშენობა
სადაც არ ერქმევა სულ არაფერს...
დილით დამაძინე შენს მკლავებში
კოცნით გამაღვიძე შუაღამეს...
სადმე წამიყვანე სანამ წლების
თავზე დამტყდომია დაზამთრება,
სანამ მიხარია წეროების
თბილი ქვეყნებისკენ გადაფრენა...
სადმე წამიყვანე... |
ნუ მომატყუებ რომ სინანული, ყველა სევდას და დარდებს წალეკავს,
დღეს შენი დღეა,მაგრამ დრო მოვა და უჩემობა სულში გაგატანს....!
ჯერ უდარდელი დღეები გიდგას და გატაცების ცეცხლით ინთები,
ახლა არ გჯერა მაგრამ დრო მოვა და..მტკივნეული დარდი ვიქნები.....
მე ვარ ვინც ნებით ოცნება დათმო და სინანულის მხარეს ეწვია,
ვისაც ხუმრობით აჩუქეს ღმერთი და უღმერთობას გადაეჩვია.
სუსტი ხელებით ნაწვიმარ ცაზე ისე აგწიე რომ ვეღარ შეგწვდი,
ღმერთად გაქციე და ღმერთი რატომ გამიხსენებდი, ვინ ვიყავ შენთვის?!
ჯერ უდარდელი დღეები გიდგას,და სხვის კოცნაში არ გახსენდები....
მაგრამ მერწმუნე ის დღეც დადგება,რომ სიგიჟემდე მოგენატრები........ |
|
|
სტატისტიკა
სულ ონლაინში: 1 Stumari 1 Users: 0
|
